Era honetan, CAF Signallingek nazioarteko zabalkuntza sendotzen du. Konpainiak kontratu berri bat lortu du Eslovenian, hain zuzen ere, Europaz Gaindiko Mediterraneoko Korridorea izeneko trenbide-sarearen tarteari dagokiona.
Esloveniako Azpiegituren Ministroak kontratu bat sinatu du CAF Signalling eta ISKRA enpresek osatutako partzuergoarekin. Kontratuak segurtasun- eta seinaleztapen-sistemak birgaitzea aurreikusten du, Eslovenia eta Austriako mugan dauden Zidani Most eta Sentilj geltokietan.
Proiektuaren irismenak –CEF (Connecting Europe Facility) finantza-programaren eta FEDERen (eskualdeko garapen-funtsa) artean finantzatua– seinaleztapen-sistemen eta -ekipoen diseinua, ezarpena, frogak eta martxan jartzea barne hartzen ditu. ISKRAren lehengo errele-katigamenduak CAF Signallingen katigamendu elektronikoekin ordezkatuko dira.
Lanak 117 km-ko tartean egingo dira eta ibilbideak 17 geltoki izango ditu. Lan hauek azken urteotan Eslovenian trenbide-seinaleztapenerako egin den inbertsiorik handienetakoa dira; eta Gobernuak herrialdeko linea nagusiak berriztatzeko duen plan estrategian biltzen dira. Helburua honakoa da: sarearen segurtasuna eta gaitasuna areagotzea, trenen erregulartasuna eta maiztasuna hobetzea eta mantentze-lanen kostuak murriztea.
